سنگاپور کے وزیر اعظم Lawrence Wong کل شام نئی دلّی پہنچے۔ جناب Wong، وزیر اعظم نریندر مودی کی دعوت پر بھارت کا تین روزہ دورہ کر رہے ہیں۔ دونوں رہنماؤں کے درمیان کل دوطرفہ بات چیت کا پروگرام ہے۔ اس دوران سنگاپور کے وزیر اعظم، صدر جمہوریہ دروپدی مرمو سے بھی ملاقات کریں گے۔

وزارتِ خارجہ نے بتایا کہ وزیر اعظم Wong کا دورہ ایسے وقت میں ہو رہا ہے، جب بھارت اور سنگاپور اپنے سفارتی تعلقات کے 60 سال مکمل کر رہے ہیں اور اس شراکت داری کو مزید مستحکم کرنے کے دونوں ملکوں کے عزم کی یقین دہانی کر رہے ہیں۔×