ایف آئی ڈی ای عالمی شطرنج چمپئن شپ میں آج سنگاپور میں بھارت کے ڈی گوکیش نے گیارہویں راؤنڈز میں، دفاعی چمپئن Ding Lirenکو شکست دے کر چھ-پانچ کی برتری حاصل کرلی۔ اس جیت کے ساتھ ہی گوکیش نے ڈرا کے سلسلے کو ختم کرتے ہوئے کامیابی حاصل کی اور اب تک کے سب سے کم عمر عالمی چمپئن بننے کی طرف قدم بڑھایا ہے۔ آج کے کھیل میں Ding کی 28 ویں چال نتیجہ خیز ثابت ہوئی، جس میں انہوں نے ایک بڑی غلطی کی۔ اس کے بعد انہوں نے اپنی شکست تسلیم کرلی۔ اس چمپئن شپ میں صرف 3 مقابلے باقی ہیں۔