سمندری طوفان Ditwah سے متاثر سری لنکا میں مرنے والوں کی تعداد بڑھ کر 479 ہو گئی ہے، جبکہ 350 افراد اب بھی لاپتہ ہیں۔ اس دوران آئندہ دنوں میں جزیرے کو موسم کی خراب صورتحال کا سامنا رہے گا۔ سری لنکا، سمندری طوفان Ditwah کے بعد بڑے پیمانے پر سیلاب، چٹانوں کے ٹکڑے گرنے اور بنیادی ڈھانچے کے تباہ ہوجانے سے نبردآزما ہے۔ اس کے علاوہ کئی ضلعوں کا رابطہ منقطع ہو گیا ہے، جس سے قدرتی آفات سے نمٹنے کی ملک کی صلاحیت شدید طور پر متاثر ہوئی ہے۔ بھارت نے آپریشن ساگر بندھو کے تحت راحت سرگرمیوں میں تعاون کیلئے فضائی، سمندری اور زمینی اثاثوں کا استعمال کرتے ہوئے انسانی ہمدردی کی بنیاد پر مدد میں اضافہ کردیا ہے۔