جنوب مغربی خلیج بنگال میں مرکوز سمندری طوفان Ditwah تمل ناڈو کے ساحلی حصوں کے قریب بڑھ رہا ہے۔ اس وقت یہ ناگاپٹینم ضلعے کے Vedaranyam سے 90 کلو میٹر، کرائیکل سے 120 کلو میٹر جنوب-جنوب مشرق، پدوچیری سے200 کلو میٹر نزدیک اور چنئی کے جنوبی حصے سے 330 کلو میٹر میں مرکوز ہے۔ سمندری طوفان Ditwah کے سبب ناگاپٹینم اور کرائیکل بندرگاہوں پر خطرے کا سگنل نمبر پانچ جاری کردیا گیا ہے۔ قدرتی آفت کے بندوبست سے متعلق ریاستی اتھارٹی کی جانب سے نشیبی علاقوں میں رہ رہے لوگوں کو فوری طور پر محفوظ مقامات پر چلے جانے کیلئے SMS بھیجے جارہے ہیں۔ چنئی ہوائی اڈّے سے 36 گھریلو اور11 بین الاقوامی پروازیں منسوخ کردی گئی ہیں۔
موسمیات کے محکمے کے مطابق سمندری طوفان جنوب مغربی خلیج بنگال پر مرکوز رہے گا اور یہ تمل ناڈو کے ساحلی حصے سے کم دوری پر ہے۔ ناگاپٹینم اور Cuddalore سمیت پانچ اضلاع میں ریڈ الرٹ جاری کیا گیا ہے۔ آس پاس رہنے والے لوگوں کو بھی الرٹ کردیا گیا ہے۔ تمل ناڈو کے بجلی بورڈ کے چیئرمین نے کہا ہے کہ چنئی سے متصل طوفان سے متاثر ہونے والے حصوں میں پانچ EB یونٹ ہر وقت کام کریں گے اور ایک ہزار 750 ورکر بجلی کی فراہمی کو یقینی بنانے کیلئے فیلڈ میں رہیں گے۔ ہنگامی صورتحال میں مدد کیلئے ایک ٹول فری نمبر کا بھی اعلان کیا گیا ہے۔ احتیاطی اقدام کے طور پر مختلف اضلاع میں اورینج اور Yellow الرٹ بھی جاری کیا گیا ہے۔
سری لنکا میں  طوفان دِتواہ کے سبب ہلاک ہونے والوں کی تعداد بڑھ کر 153 ہوگئی ہے جبکہ 191 افراد اب بھی لاپتہ ہیں۔ قدرتی آفات کے بندبست سے متعلق مرکز نے کہا ہے کہ سبھی متاثرہ 25 اضلاع کے 7 لاکھ 74 ہزار سے زیادہ افراد اِس طوفان سے متاثر ہوئے ہیں۔ 798 راحت مراکز میں ایک لاکھ سے زیادہ لوگوں نے پناہ لے رکھی ہے۔ بھارت اور سری لنکا کی فضائیہ اور گرائونڈ ٹیم مشترکہ طور پر کارروائیاں انجام دے رہی ہیں جس میں ہیلی کاپٹر بھی شامل ہیں۔ سری لنکا کے صدر انوراکمار دِسّانائیکے نے ایمرجنسی کی صورتحال کا اعلان کردیا ہے۔ آپریشن ساگر بندھو کے تحت بھارت نے امدادی کارروائیاں تیز کردی ہیں۔ بھارتی بحریہ کے دو ہیلی کاپٹروں نے پنّالہ میں سیلاب کے پانی میں پھنسے 8 افراد کو بحفاظت بچا لیا۔