جموں وکشمیر کے سری نگر میں پہلے کھیلو انڈیا واٹر اسپورٹس فیسٹول کا شاندار طریقے سے آغاز ہوگیا ہے اور کَل مقامی شکارے والے 17 سالہ محسن علی نے سونے کا پہلا تمغہ جیتا۔ محسن ڈَل جھیل میں شکارا چلاتے ہیں اور انہوں نے مردوں کی ایک ہزار میٹر Kayaking دوڑ، چار منٹ 12 اعشاریہ  چار ایک سیکنڈ میں مکمل کی اور اڈیشہ اور مدھیہ پردیش کی طرف سے مقابلہ کرنے والوں کو ہرایا۔ دیگر مقابلوں میں اترپردیش کے وِشال کمار نے مردوں کی ایک ہزار میٹر Canoe Singles میں سونے کا تمغہ جیتا۔ خواتین کے 200 میٹر Canoe Singles میں اُڈیشہ کی Rasmita Sahoo نے سونے کا تمغہ حاصل کیا۔ کھیلوں کے مرکزی وزیر منسکھ مانڈویا نے اس اسپورٹس فیسٹول کا افتتاح کیا۔ افتتاحی تقریب میں جموں وکشمیر کے لیفٹیننٹ گورنر منوج سنہا سمیت مختلف سرکردہ شخصیات نے شرکت کی۔ اس تین روزہ فیسٹول میں 28 ریاستوں اور مرکز کے زیر انتظام علاقوں سے 500 سے زیادہ کھلاڑی حصہ لے رہے ہیں۔×