سرکار نے مختلف سوشل میڈیا چینلس کے اس طرح کی پوسٹ کو مسترد کردیا ہے، جن میں یہ دعویٰ کیا گیا ہے کہ مرکزی سرکار نے 29 مئی اور دو جون کے درمیان درجہ حرارت کے 55 ڈگری سیلسیس تک ممکنہ اضافے کے مدنظر ہائی الرٹ جاری کیا ہے۔ پریس انفارمیشن بیورو کے حقائق کا پتہ لگانے والے یونٹ نے یہ وضاحت کی ہے کہ سرکار نے اس طرح کا کوئی نوٹیفیکیشن جاری نہیں کیا ہے۔ اُس نے لوگوں کو صلاح دی ہے کہ وہ بھارتی موسمیات محکمے کی ویب سائٹ سے ہی صحیح جانکاری حاصل کریں۔