سرحدی سکیورٹی فورس BSF نے اِس سال جنوری سے لے کر اب تک پنجاب کے سرحد کے اندر ہتھیار، گولہ بارود اور منشیات گِرانے کیلئے پاکستان سے آنے والے 272 ڈرون اور 367 کلو گرام سے زیادَہ ہیروئن ضبط کیا ہے۔BSF کے 61ویں یومِ تاسیس کے موقع پر امرتسر میں JCP اٹاری کے مقام پر اپنے سالانہ پریس کانفرنس سے خطاب کرتے ہوئے پنجاب فرنٹیئر کے انسپکٹر جنرل ڈاکٹر اتُل Fulzule نے کہا کہ ICE اور افیم سمیت دوسری کئی منشیات بھی ضبط کی گئی ہیں۔  فوج نے 12 ہینڈ گرینیڈ اور 200 ہتھیاروں سمیت 10 کلو گرام سے زیادہ RDX بھی برآمد کیا ہے۔
پاکستان سے متصل 553 کلو میٹر طویل پنجاب سرحد پر مامور فوج نے تین پاکستانی دراندازوں کو ہلاک کیا ہے اور 18 پاکستانی، چار نیپالی اور تین بنگلہ دیشی شہریوں کو گرفتار کیا ہے۔
فوج نے 251 بھارتی مشتبہ افراد کو بھی حراست میں لیا ہے جس میں 133 ہتھیاروں، گولہ بارود اور منشیات کے غیرقانونی لین کرنے والے ہیں۔
اس کے علاوہ، BSF نے الیکشن اور دوسرے موقعوں پر امن وقانون کو برقرار رکھنے میں پنجاب، ہریانہ اور چنڈی گڑھ کے ساتھ تال میل کیا ہے۔