زراعت اور کسانوں کی بہبود کے مرکزی وزیر شیو راج سنگھ چوہان نے کہا ہے کہ سرکار پارلیمنٹ کے اگلے اجلاس میں نقلی کیمیاوی کھاد اور جراثیم کش دواؤں کے خلاف ایک بل پیش کرے گی۔ انہوں نے گمراہ کن Tag کی آڑ میں نقلی کیمیاوی کھاد، نقلی جراثیم کش دوائیں اور دیگر غیر مجاز بائیو اشیاء فروخت کئے جانے پر تشویش کا اظہار کیا۔

جناب چوہان نے کہا کہ سخت قوانین بنائے جائیں گے اور ہیرا پھیری کرنے والے تاجروں کے خلاف سخت کارروائی کی جائے گی۔ وزیرِ موصوف نئی دلّی میں کسان ٹرسٹ کے زیرِ اہتمام چودھری چرن سنگھ کسان سماّن تقریب سے خطاب کررہے تھے۔ وزیرِ زراعت نے بتایا کہ سرکار اِس طرح کی بے ضابطگیوں کے خلاف جامع اقدامات کررہی ہے۔

جناب شیو راج سنگھ چوہان نے یہ بھی کہا کہ حال ہی میں منظور کئے گئے ”وِکست بھارت – جی رام جی“ قانون کے تحت روزگار کی گارنٹی 100 دن سے بڑھا کر 125 دن کردی گئی ہے۔