حکومت نے کہا ہے کہ گذشتہ دس سال کے دوران ملک میں فصلوں کی پیداوار میں 44 فیصد کا اضافہ ہوا ہے، جو ایک اہم سنگِ میل کی حیثیت رکھتا ہے۔ آج راجیہ سبھا میں وقفہئ سوال کے دوران ضمنی سوالات کا جواب دیتے ہوئے زراعت اور کسانوں کے بہبود کے مرکزی وزیر جناب شیوراج سنگھ چوہان نے کہا کہ یہ 2014 اور 2024 کے درمیان بیجوں کی نئی قسموں کے استعمال، جدید ٹیکنالوجی اور بہتر زرعی طریقہئ کار کی وجہ سے ممکن ہو پایا ہے۔

جناب چوہان نے کہا کہ مودی حکومت کسانوں کی آمدنی میں اضافہ کرنے اور جدید مجموعی زرعی شرحِ پیداوار پر توجہ دی جا رہی ہے۔ انھوں نے کہا کہ زراعت کی پیداوار کو فروغ دینے کیلئے ایک چھ نکاتی حکمتِ عملی نافذ کی جا رہی ہے۔ وزیر موصوف نے اس بات کو اجاگر کیا کہ حکومت کسانوں کو دو لاکھ کروڑ روپے مالیت کی کھاد کی سبسڈیز فراہم کر رہی ہے۔پردھان منتری کسان سمّان ندھی کے تحت کسانوں کے کھاتوں میں براہِ راست چار لاکھ کروڑ روپے سے زیادہ کی رقم منتقل کی گئی ہے۔