زراعت کے مرکزی وزیر شیو راج سنگھ چوہان نے زرعی یونیورسٹیوں اور تحقیقی اداروں سے اپیل کی ہے کہ وہ وزیر اعظم کی کرشی دَھن دھانیہ یوجنا کے تحت زرعی پیداوار کو بڑھائیں۔ آج بہار کے سمتی پور میں واقع پوسا انسٹی ٹیوٹ میں ڈاکٹر راجیندر پرساد سینٹرل ایگریکلچرل یونیورسٹی کی چوتھی جلسۂ تقسیم اسناد کی تقریب سے خطاب کرتے ہوئے وزیر موصوف نے کہا کہ زرعی پیداوار اور پیداواریت کو بڑھانے کیلئے اِس اسکیم کے تحت 100 اضلاع کو منتخب کیا گیا ہے۔ جناب چوہان نے اِس بات کا بھی تذکرہ کیا کہ کرشی دَھن دھانیہ یوجنا کے تحت بہار کے اضلاع کو بھی شامل کیا گیا ہے۔