ریلوے کے وزیر اشونی ویشنو نے آج نئی دلّی میں ریلوے بورڈ کے وار روم کا دورہ کیا۔ اپنے دورے کے دوران انھوں نے تہواروں کے سیزن کے دوران مسافروں کی آمد ورفت کا جائزہ لیا۔ جناب ویشنو نے 24 گھنٹے کام کرنے پر عملے کی ہمت افزائی کی اور دیوالی کے موقعے پر اُنھیں مبارکباد پیش کی۔ تہواروں کے سیزن میں بھارتی ریلوے نے مسافروں کی بڑھتی ہوئی تعداد سے نمٹنے کیلئے وسیع تر انتظام کیا ہے۔ دُرگا پوجا، دیوالی اور چھٹ کے دوران آسان سفر کو یقینی بنانے کیلئے ریلوے 12 ہزار سے زیادہ خصوصی ٹرینیں چلا رہا ہے۔