ریلوے کے مرکزی وزیر اشونی ویشنو نے نئی دلّی میں  ریل بھون کے وار روم میں کَل تہواروں کے سیزن کے دوران مسافروں کی سہولت کو یقینی بنانے کیلئے چلائی جارہی خصوصی ٹرینوں کی صورتحال کا جائزہ لیا۔ اس دوران ریلوے کے وزیر نے افسران سے بات چیت کی اور چھٹھ پوجا کے مدنظر ریلوے کی تیاریوں سے آگاہی حاصل کی۔ تہواروں کے دوران ریلوے اسٹیشنوں پر بھیڑ کی نگرانی اور اُس کے بندوبست کیلئے یہ وار روم تشکیل دیا گیا ہے۔ جناب ویشنو نے کہا کہ اِن انتظامات میں ملک بھر میں وار رومز کی تین سطحیں شامل ہیں۔

اگلے تین دن کے دوران ریگولر ٹرین خدمات کے علاوہ  ایک ہزار 500 خصوصی ٹرینیں چلائی جائیں گی، جس سے روزانہ کی بنیاد پر چلنے والی ٹرینوں کی اوسط تعداد 300 ہوجائے گی۔

یکم اکتوبر سے 30 نومبر کے 61 دن کے عرصے کے دوران ملک بھر میں 12 ہزار سے زیادہ خصوصی ٹرینیں چلائی جارہی ہیں۔×