رومانیہ نے ہر سال 30 ہزار ہنرمند بھارتی پیشہ ور افراد کو روزگار فراہم کرنے کیلئے ایک راستہ بنانے کی تیاری کا اظہار کیا ہے۔ رومانیہ نے اپنی اِس خواہش کا اظہار Bucharest میں تجارت اور صنعت کے وزیر مملکت جیتن پرساد اور رومانیہ کے محنت، خاندان، نوجوانوں کے امور اور سماجی یکجہتی کے وزیر Petre-Florin Manole کے درمیان ایک میٹنگ کے دوران کیا۔

مزید تفصیل ہمارے نامہ نگار سے …… VC – Nargis

دونوں فریقوں نے رومانیہ کی افرادی قوت کی سالانہ ضرورت کو نوٹ کیا، جس کے مطابق اُسے تقریباً ایک لاکھ غیر یورپی یونین وَرکروں کی ضرورت ہوتی ہے۔ تجارت اور صنعت کی وزارت کی جانب سے کَل جاری ایک بیان میں کہا گیا ہے کہ دونوں وزیروں نے بھارت اور رومانیہ کے درمیان ایک مضبوط موبیلیٹی شراکت داری قائم کرنے کے عزم کا اعادہ کیا، تاکہ ہنرمند اور ماہر پیشہ ور افراد کی محفوظ، منظم، باقاعدہ اور ذمہ دارانہ نقل مکانی کو فروغ دیا جا سکے، جو دونوں ممالک کیلئے لیبر مارکیٹ میں باہمی فائدے کا باعث بنے۔ انہوں نے اعلیٰ تعلیم، تحقیق، اختراع، تِھنک ٹینکس اور ثقافتی تبادلوں کے ذریعے عوامی تعلقات کو مزید مضبوط کرنے پر بھی اتفاق کیا۔

دلّی سے نرگس کی رپورٹ کے ساتھ خبرنامے کیلئے میں محمد عمار