امریکہ کے زمینی علوم کے سروےUSGS  کی ایک تازہ ترین رپورٹ کے مطابق روس کے، Kamchatka جزیرہ نما کے، بحرالکاہل کے ساحل سے کچھ دور آج صبح سویرے 8 اعشاریہ 8 شدت کا ایک طاقتور زلزلہ آیا۔ پہلے اِس زلزلے کی شدّت 8 اعشاریہ 7 ماپی گئی تھی، لیکن بعد میں، اِس سلسلے میں تازہ رپورٹ جاری کی گئی۔ یہ زلزلہ حالیہ برسوں میں اب تک کا طاقتور ترین زلزلہ تھا، جو جاپان کے 2011 کے زلزلے سے بھی زیادہ شدید تھا۔

اِس کا مرکز ساحل سے تقریباً 136 کلو میٹر دور، 19 کلو میٹر کی گہرائی پر تھا۔ بحرالکاہل کے سونامی مرکز نے زلزلے کے بعد وسیع پیمانے پر الرٹس جاری کر دیے ہیں۔ بحرالکاہل میں روس، جاپان اور جزیراتی ملکوں کے لیے سونامی وارننگ جاری کر دی گئی ہے۔

روس کے Kamchatka جزیرہ نما میں 3 سے 4 میٹر اونچی لہروں کی اطلاع دی گئی ہے، جس کی وجہ سے لوگوں نے فوری طور پر اپنی جگہیں خالی کر دی ہیں اور سرکاری طور پر ہدایت جاری کی گئی ہے کہ لوگ ساحل سے دور رہیں۔×