روس کی جانب سے یوکرین کے تین علاقوں پر رات بھر ہوئی ڈرونز کی بوچھار میں 10 لوگ ہلاک ہوگئے اور توانائی کے بڑے مراکز کو نقصان پہنچا۔ حملوں میں 28 لوگوں کے زخمی ہونے کی بھی خبر ہے۔ یوکرین کے صدر وولودیمیر زیلینسکی نے کہا ہے کہ روس نے 450 سے زیادہ ڈرونز اور 45 میزائلوں سے حملہ کیا ہے۔ یوکرین کی فوج نے خبر دی ہے کہ فضاء، زمین اور سمندر سے داغے گئے ڈرونز اور میزائلوں نے بنیادی ڈھانچے کی اہم تنصیبات کو نشانہ بنایا۔ اِس دوران روس کی وزارت دفاع نے کہا ہے کہ اُس کے فضائی دفاعی نظام نے یوکرینی افواج کی جانب سے داغے گئے دو گائیڈیڈ فضائی بموں اور 178 غیر انسان بردار فضائی گاڑیوں، UAVs کو مار گرایا ہے۔