روس نے بھارت کے خلاف تیل کی تجارت سے متعلق امریکہ کی حالیہ دھمکی کو یہ کہتے ہوئے مسترد کر دیا ہے کہ خود مختار ممالک کو آزادانہ طور پر اپنے تجارتی شراکت داروں کا انتخاب کرنے کا حق حاصل ہوتا ہے۔ کریملن کے ترجمان Dmitry Peskov نے آج ماسکو میں ایک پریس بریفنگ سے خطاب کرتے ہوئے بھارت پر دباؤ بنانے کیلئے امریکہ پر یہ کہتے ہوئے نکتہ چینی کی کہ اِس طرح کی کارروائی ناجائز ہے۔ انہوں نے اِس بات پر زور دیا کہ ہر ملک کو یہ اختیار حاصل ہے کہ وہ قومی مفادات پر مبنی تجارتی تعلقات جاری رکھے۔ امریکی صدر ڈونلڈ ٹرمپ کی جانب سے روس سے تیل خریدنے اور دوبارہ فروخت کرنے پر بھارت کے خلاف محصولات بڑھانے کی وارننگ کے پیش نظر یہ رائے زنی سامنے آئی ہے۔