راجستھان میں جیسلمیر کے نزدیک کل ایک اے-سی سلیپر بس میں آگ لگنے سے 20 مسافر ہلاک اور کئی زخمی ہو گئے۔ یہ حادثہ جیسلمیر-جودھپور شاہراہ پر سہ پہر تقریباً ساڑھے تین بجے پیش آیا۔ خبروں کے مطابق 19 مسافر بس کے اندر جھلس کر ہلاک ہو گئے، جبکہ ایک شخص کی علاج کے دوران موت ہو گئی۔ حادثے کے وقت بس میں 50 مسافر سوار تھے۔ زخمیوں کو علاج کے لیے جودھپور کے مہاتما گاندھی اسپتال میں داخل کرایا گیا ہے۔ وزیر اعلیٰ بھجن لال شرما نے کل شام جائے حادثہ کا دورہ کیا اور بعد میں جودھپور استپال میں زخمیوں سے ملاقات کی۔ انہوں نے تمام متاثرین کے لیے بہتر طبّی دیکھ بھال کو یقینی بنانے کی افسران کو ہدایت دی۔ صدر جمہوریہ دروپدی مرمو اور وزیر اعظم نرندر مودی نے اس المناک حادثے پر گہرے رنج و غم کا اظہار کیا ہے۔

مرکزی حکومت نے ہلاک شدگان کے لواحقین کو دو-دو لاکھ روپئے اور زخمیوں کو 50-50 ہزار روپئے کی امداد دینے کا اعلان کیا ہے۔×