رائے دہندگان کو سہولتیں پہنچانے پر مرکوز اقدامات کے تحت انتخابی کمیشن نے پولنگ مراکز کے باہر موبائل فونز جمع کرانے کی سہولت متعارف کرائی ہے۔ انتخابی کمیشن کی جانب سے جاری بیان کے مطابق پولنگ مراکز کے اطراف سو میٹر کی حدود میں موبائل فون صرف سوئچ آف حالت میں ہی رکھنے کی اجازت ہوگی۔ کمیشن نے مزید کہا کہ پولنگ مراکز کے داخلی دروازوں پر رائے دہندگان کے موبائل فونز جمع کرنے کیلئے چھوٹے چھوٹے خانوں پر مشتمل ڈبے یا پَٹ سَن کے تھیلے رکھے جائیں گے۔ تاہم ناموافق مقامی حالات کی وجہ سے ریٹرننگ افسر کچھ پولنگ مراکز پر اس سہولت کو ردّ کرسکتے ہیں۔