دیہی ترقیات کے مرکزی وزیر شیوراج سنگھ چوہان نے کانگریس پارٹی کی نکتہ چینی کی ہے کہ اُس نے مبینہ طور پر صرف سیاسی فائدے کیلئے قومی دیہی روزگار گارنٹی ایکٹ 2005 میں مہاتما گاندھی کا نام شامل کیا تھا۔ کَل بھوپال میں صحافیوں سے بات کرتے ہوئے جناب چوہان نے کہا کہ کانگریس کی حکومت کے دوران MG نریگا بدعوانی کا مترادف بن گیا تھا۔ انھوں نے کہا کہ کانگریس  پارٹی نے بار بار منریگا کے بجٹ میں کمی کی۔ انھوں نے الزام لگایا کہ اپوزیشن نے سیاسی فائدہ حاصل کرنے کیلئے مسلسل مہاتما گاندھی کے نام کا استعمال کیا ہے۔ وزیر موصوف نے کہا کہ وکست بھارت جی رام جی اسکیم کے تحت ایک لاکھ 51 ہزار کروڑ روپے سے زیادہ کا مجوزہ بجٹ مختص کیا گیا ہے تاکہ مزدوروں کیلئے مناسب کام کو یقینی بنایا جا سکے۔

          دیہی ترقیات کے وزیر نے زور دے کر کہا کہ سب سے پسماندہ پنچایتوں کو زیادہ فنڈ، زیادہ مدد اور زیادہ مواقع فراہم کرنے کو یقینی بنانے کیلئے خصوصی انتظامات کیے گئے ہیں۔