دولتِ مشترکہ کے اسپیکرس اور پریزائڈنگ افسران کی 28 ویں کانفرنس CSPOC آج نئی دلّی میں شروع ہوگی۔ اس تین روزہ کانفرنس میں دولتِ مشترکہ سے وابستہ 60 ملکوں اور نیم خود مختار پارلیمنٹس کے اسپیکرس اور پریزائڈنگ افسران یکجا ہوں گے۔ کانفرنس کا مقصد مختلف قسم کی پارلیمانی جمہوریت کے بارے میں جانکاری اور سمجھ بوجھ، نیز پارلیمانی اداروں کو فروغ دینا ہے۔ لوک سبھا کے اسپیکر اوم برلا اس کانفرنس کے صدر نشیں ہیں۔
آج کانفرنس کے پہلے دن قائمہ کمیٹی کی میٹنگ منعقد ہوگی۔ 28 ویں CSPOC کے صدر نشیں کے طور پر جناب برلا قائمہ کمیٹی کی میٹنگ کی صدارت کریں گے۔
وزیر اعظم نریندر مودی کل سمویدھان سدن کے تاریخی مرکزی ہال میں کانفرنس کا افتتاح کریں گے۔
وہ دولتِ مشترکہ اور خود مختار پارلیمنٹس کے اسیپکرس اور پریزائڈنگ افسران کے ساتھ غیر رسمی بات چیت بھی کریں گے۔
کانفرنس کے دوران پارلیمنٹ میں مصنوعی ذہانت AI کے استعمال، بہترین طور طریقوں سے ایک دوسرے کو واقف کرانے اور شرکاء کے مابین اختراعی خیالات کے اظہار، پارلیمنٹ کے ارکان پر سوشل میڈیا کے اثرات، پارلیمنٹ کے بارے میں عوام کی سطح پر بیداری میں اضافہ کرنے، نیز ارکانِ پارلیمنٹ کی سلامتی، صحت اور خوشحالی کے موضوعات پر مختلف اجلاس منعقد کیے جائیں گے۔
اس کانفرنس کے اختتام پر لوک سبھا کے اسپیکر CSPOC کی صدارت، برطانیہ کے ایوانِ نمائندگان کے اسپیکر Lindsay Hoyle کو سونپیں گے۔
