دلی کے انسدادِ بدعنوانی محکمے نے سابق وزیر صحت سوربھ بھاردواج اور ستیندر جین کے خلاف عام آدمی پارٹی کی سرکار کے دوران صحت کے بنیادی ڈھانچے کے پروجیکٹوں میں مبینہ طور پر بڑے پیمانے پر بدعنوانی کئے جانے کا معاملہ درج کیا ہے۔ ACB کے مطابق عآپ سرکار کے دوران 2018-19 میں منظور کئے گئے 5 ہزار 500 کروڑ روپے مالیت کے 24 اسپتالوں کے پروجیکٹوں میں تاخیر اور اصل سے کہیں زیادہ لاگت دکھایا جانا مالی گھوٹالے کی طرف اشارہ کرتا ہے۔ جانچ و پڑتال میں اسپتالوں، پولی کلینکس اور ICUs کی تعمیر میں بے ضابطگیاں، اصل سے زیادہ لاگت اور حساب کتاب میں گڑبڑ کا انکشاف ہوا ہے۔