دلی سرکار نے قومی راجدھانی کے پرائیویٹ دفتروں کے لیے ایک ایڈوائزری جاری کی ہے جس کے تحت 50 فیصد عملہ دفتر میں کام کرے گا جبکہ بقیہ50 فیصد گھر سے کام کرے گا۔ ہوا کی کوالٹی کے بندوبست کے کمیشن کی جانب سے تازہ ہدایات کے مطابق یہ احتیاطی اقدام کیا گیا ہے۔ دلی کے ماحولیات کے وزیر منجندر سنگھ سِرسا نے زور دے کر کہا کہ Grap تین کے تحت حکومت سرگرمی کے ساتھ آلودگی کی روک تھام کے اقدامات نافذ کر رہی ہے۔
انھوں نے کہا کہ سرکار نے پہلے ہی سبھی MCD دفتروں کے اوقات میں تبدیلی کی ہوئی ہے، جو اگلے برس فروری تک جاری رہے گی، تاکہ مصروف ترین اوقات میں ٹریفک کی آلودگی میں کمی کی جا سکے۔ MCD کے تحت دفاتر صبح 8 بجکر 30 منٹ سے شام 5 بجے تک کام کریں گے جبکہ دلی سرکار کے دفاتر صبح 10 بجے سے شام چھ بجکر 30 منٹ تک کام کریں گے۔
جناب سِرسا نے کہا کہ متعدد اداروں کے 2 ہزار سے زائد اہلکار آلودگی کی روک تھام کے ضابطوں کی تعمیل کو یقینی بنانے کیلئے کام کر رہے ہیں۔ پرائیویٹ دفتروں سے بھی گزارش کی گئی ہے کہ وہ اپنے سبھی ذیلی دفاتر اور شاخوں میں ان ضابطوں کی فوری تعمیل کو یقینی بنائیں۔x
