دلی سرکار نے ”دلی جن وشواس“ ترمیمی بل 2026 کو منظوری دے دی ہے۔ دلی کی وزیراعلیٰ ریکھا گپتا نے بتایا کہ دلی کابینہ کے منظور کردہ مذکورہ بل کا مقصد عمل درآمد کے طریقہئ کار کو سہل بنانا، معمولی خلاف ورزیوں کو جرم کے دائرے سے باہر رکھنا، عدالتوں میں کیسوں کی تعداد کم کرنا اور انتظامی صلاحیت میں اضافہ کرنا ہے۔
انھوں نے یہ بھی کہا کہ مذکورہ بل کو دلی اسمبلی کے موسمِ سرما کے اجلاس میں منظور کرلیا جائے گا جو اگلے مہینے کی 5 تاریخ سے شروع ہو رہا ہے۔ محترمہ ریکھا گپتا نے کہا کہ اِس بل کے ذریعے دلی سرکار کاروبار اور رہن سہن میں سہولت کو بڑھاوا دینے کے تئیں پوری طرح عہد بند ہے۔
وزیراعلیٰ نے مزید کہا کہ مذکورہ بل سے لاقانونیت کی حوصلہ افزائی نہیں ہوگی بلکہ اِس کا مقصد سزا میں موزوں تناسب کو یقینی بنانا ہے۔ مذکورہ بل میں اِس کے نافذ ہونے کے ہر تین سال بعد جرمانے کی رقم میں از خود دس فیصد اضافے کی بھی تجویز ہے تاکہ افراطِ زر اور بڑھتی ہوئی لاگت کی مناسبت سے جرمانہ مؤثر رہے۔x
