دلّی حکومت نے نوجوانوں کو بااختیار بنانے کے بڑے اقدام کے طور پر اولمپک اور پیرا لمپک کے تمغے جیتنے والوں کے لیے نقد انعامات میں نمایاں اضافہ کرتے ہوئے رقم کو موجودہ 3 کروڑ روپے سے بڑھا 7 کروڑ روپے کرنے کا اعلان کیا ہے۔

یہ فیصلہ کل نئی دلّی میں وزیر اعلیٰ ریکھا گپتا کی زیر صدرات کابینہ کے اجلاس میں کیا گیا، جو حال ہی شروع کی گئی مکھیہ منتری کھیل پروتساہن یوجنا کے تحت لیا گیا ہے۔ اس اسکیم کے تحت اولمپک اور پیرا لمپک میں سونے کا تمغہ جیتنے والے کھلاڑیوں کو 7 کروڑ روپے، چاندی کے تمغے پر 5 کروڑ روپے اور کانسے کے تمغے پر 3 کروڑ روپے دیے جائیں گے۔

مزید یہ کہ وہ کھلاڑی، جنہوں نے اولمپک میں سونے یا چاندے کے تمغے جیتے ہیں وہ اب گریڈ-اے کی سرکاری نوکری کے بھی اہل ہوں گے۔ اسی طرح ایشین اور پیرا ایشین گیمز کے سونے کا تمغہ جیتنے والے کھلاڑیوں کو 3کروڑ روپے، چاندی کا تمغہ حاصل کرنے والوں کو 2 کروڑ روپے، جبکہ کانسے کا جیتنے والوں ایک کروڑ روپے دیے جائیں گے۔×