دلّی کی راؤز ایونیو عدالت نے نیشنل ہیرالڈ سے متعلق کالے دھن کو جائز بنانے کے معاملے میں کانگریس کے سینئر رہنما سونیا گاندھی اور راہل گاندھی کے خلاف انفورسمنٹ ڈائرکٹوریٹ کی شکایت پر آج اپنا حکم محفوظ رکھا ہے۔ عدالت نے اِس معاملے پر حکم سنانے کے لیے 29 جولائی کی تاریخ مقرر کی ہے۔یہ معاملہ اس بات سے متعلق ہے کہ آیا نیشنل ہیرالڈ معاملے میں دائر ضمنی چارج شیٹ پر کارروائی کی جائے یا نہیں، جس میں کانگریس رہنماؤں کے خلاف کالے دھن کو جائز بنانے کے الزامات عائد کیے گئے ہیں۔ سبھی ملزمان نے ED کی درخواست کی مخالفت کی ہے اور الزامات کی تردید کی ہے۔x