دلّی پولیس کی خصوصی سیل نے پاکستان کے حمایت یافتہ ایک مجرم سے منسلک دہشت گردی کا ایک ماڈیول کا پردہ فاش کیا ہے۔ نئی دلّی میں ایک پریس کانفرنس سے خطاب کرتے ہوئے ایڈیشنل CP پرمود کمار کشواہا نے کہا ہے کہ اِس ماڈیول کی قیادت ایک پاکستانی شہری شہزاد بھٹّی کر رہا ہے جو فی الحال پاکستان کی انٹلیجنس ایجنسی کی ایماء پر کام کر رہا ہے۔ انھوں نے کہا کہ اِس کیس میں پنجاب، مدھیہ پردیش اور اترپردیش کے تین افراد کو گرفتار کیا گیا ہے۔ جناب کشواہا نے کہا کہ پچھلے ہفتے اِن لوگوں نے گُرداس پور سٹی پولیس اسٹیشن کے سامنے ایک ہینڈ گرینیڈ پھینکا تھا۔ انھوں نے کہا کہ شہزاد بھٹّی باہر سے ہدایات جاری کرکے اپنے ساتھیوں کے ساتھ بالواسطہ طور پر اِس گروپ کو چلا رہا تھا اور نوجوانوں لڑکوں کا استعمال کرکے دہشت گردانہ کارروائی انجام دے رہا تھا۔