دلّی سرکار قومی راجدھانی میں فضائی آلودگی کی بگڑتی ہوئی صورتحال سے نمٹنے کی خاطر کثیر رخی مہم میں تیزی لاتے ہوئے آج سے ”PUC نہیں تو ایندھن بھی نہیں“ ضابطے کو سختی کے ساتھ نافذ کرنے کا سلسلہ شروع کر رہی ہے۔

دلّی کے ماحولیات کے وزیر Manjinder Singh Sirsa نے پہلے دن سے ہی اس پر عمل درآمد کو یقینی بنانے کی خاطر متعلقہ ایجنسیوں، پٹرول پمپ آپریٹرس اور پولیس کو سخت ہدایات جاری کی ہیں۔

مذکورہ منصوبے کے تحت پوری دلّی میں پٹرول پمپوں پر اُن گاڑیوں کو ایندھن نہیں دیا جائے گا، جن کے پاس درستPollution Under Control Certificate یعنی PUC سر ٹیفکیٹ نہیں ہوگا۔

اس کے ساتھ ساتھ دلّی سے باہر رجسٹرڈ غیر  BS VI گاڑیوں کو شہر میں داخل ہونے کی اجازت نہیں ہوگی۔

جناب سِرسا نے پٹرول پمپ ڈیلرس اور ٹریفک پولیس کے اعلیٰ افسروں کے ساتھ میٹنگوں کی صدارت کی۔ انہوں نے ایندھن کے ڈیلرس کو تنبیہ کی ہے کہ ایسی گاڑیوں کیلئے پٹرول یا ڈیزل سپلائی کرنے پر کارروائی کی جائے گی، جن کے پاس PUC سر ٹیفکیٹ نہیں ہیں۔×