خوراک کو ڈبہ بند کرنے کی صنعتوں کے مرکزی وزیر چراغ پاسوان نے آج کہا ہے کہ خوراک کو ڈبہ بند کرنے کے شعبے میں ترقی کے بے پناہ امکانات موجود ہیں۔ انہوں نے کہا کہ بہار میں خوراک کو ڈبہ بند کرنے کے سیکٹر سے منسلک افراد وکست بھارت میں خاطر خواہ تعاون دے سکتے ہیں۔ جناب پاسوان پٹنہ میں خریداروں اور فروخت کنندگان کی دو روزہ بین الاقوامی کانفرنس کی افتتاحی تقریب سے خطاب کررہے تھے۔ مرکزی وزیر نے کہا کہ اِس سیکٹر میں نوجوانوں کیلئے بے پناہ مواقع موجود ہیں اور اس میں شامل ہونے پر نوجوان روزگار کے خواہشمند ہونے کے بجائے روزگار فراہم کرنے والے بن سکتے ہیں۔