خواتین کے ICC کے ایک روزہ بین الاقوامی کرکٹ عالمی کپ میں بھارت آج کولمبو میں آر پریم داسا اسٹیڈیم میں ٹورنامنٹ کے دوسرے میچ میں پاکستان کا سامنا کرے گا۔ یہ میچ بھارتی وقت کے مطابق سہ پہر تین بجے شروع ہوگا۔

بھارت نے DLS ضابطے کے ذریعے سری لنکا کو 59 رن سے ہرا کر اپنا پہلا میچ جیتا تھا۔ دوسری جانب پاکستان کو اپنے پہلے میچ میں بنگلہ دیش کے خلاف 7 وکٹ سے شکست ہوئی تھی۔

بھارت اور پاکستان کے درمیان جوش و جذبے اور سنسنی خیز میچوں کے باوجود خواتین کے میچ تاریخی طور پر ایک طرفہ رہے ہیں۔ بھارت نے اپنے حریفوں کے خلاف ایک روزہ بین الاقوامی میچوں میں گیارہ-صفر کی سبقت حاصل کر کے ریکارڈ برقرار رکھا ہے۔