خواتین اور بچوں کی بہبود کی مرکزی وزارت بال وِواہ مُکت بھارت ابھیان کے ایک سال مکمل ہونے کے موقع پر بچپن کی شادی سے پاک بھارت کیلئے آج باضابطہ طور پر ایک 100 روزہ جامع بیداری مہم کا آغاز کرے گی۔ یہ تقریب وِگیان بھون میں منعقد ہوگی، جس میں خواتین اور بچوں کی بہبود کی مرکزی وزیر اَن پورنا دیوی اور وزیر مملکت ساوتری ٹھاکر بھی موجود ہوں گی۔ اِس 100 روزہ مہم کو تین مرحلوں میں تقسیم کیا گیا ہے۔ پہلے مرحلے میں اسکولوں، کالجوں اور یونیورسٹیوں میں بیداری پیدا کرنے پر توجہ مرکوز کی جائے گی، جس کے تحت مباحثے، مضمون نویسی، مکالماتی سیشنز اور عہد لینے جیسے پروگرام منعقد کیے جائیں گے۔

دوسرے مرحلے میں مذہبی رہنماؤں، معاشرے میں اثر و رسوخ رکھنے والے افراد اور شادی سے متعلق خدمات فراہم کرنے والوں کو شامل کیا جائے گا تاکہ بچوں کے حقوق اور ان کے تحفظ سے متعلق پیغامات کو مزید مؤثر طریقے سے پھیلایا جاسکے۔ تیسرے مرحلے میں گرام پنچایتوں اور میونسپل وارڈز کو ترغیب دی جائے گی کہ وہ اپنے دائرہئ اختیار میں آنے والے علاقوں کو بچپن کی شادی سے پاک علاقہ بنانے کیلئے قراردادیں منظور کریں۔×