خلا باز شوبھانشو شکلا نے نوجوانوں سے اپیل کی ہے کہ چاہے وہ انسانی خلائی پرواز کے مشنز ہوں یا زندگی کے دیگر شعبے، اپنے خوابوں کو صرف خیالات تک محدود نہ رکھیں، بلکہ اِس کو پورا کرنے کیلئے عملی قدم اُٹھائیں اور اِس کیلئے اجتماعی طور پر کام کریں۔

گروپ کیپٹن شکلا نے کَل دلّی چھاونی میں نیشنل کیڈٹ کور NCC کے یومِ جمہوریہ کیمپ کا دورہ کیا اور کیڈٹس سے بات چیت کی۔ انہیں ملک کے مستقبل کا معمار قرار دیتے ہوئے خلا باز نے نوجوانوں پر زور دیا کہ وہ چند ناکامیوں کو اپنی شناخت نہ بننے دیں اور زندگی میں جو اہداف طے کریں، ان کے حصول کے لیے مسلسل محنت کرتے رہیں۔

بعد میں انہوں نے کُچھ صحافیوں سے بھی گفتگو کی اور بالخصوص بھارتی نوجوانوں سے اپنی توقعات کا اعادہ کیا، خاص طور پر ایسے وقت میں جب بھارت نے 2047 تک وکست بھارت بننے کا ایک پرعزم ہدف مقرر کررکھا ہے۔×