خزانے اور کارپوریٹ اُمور کی مرکزی وزیر نرملا سیتا رَمن نے آج نئی دلّی میں صنعتی نمائندوں کے ساتھ پانچویں بجٹ سے پہلے کے صلاح و مشورے کی صدارت کی۔ اِس میٹنگ میں خزانے کے محکمے، سرمایہ کاری اور سرکاری املاک کے بندوبست کے محکمہ، اقتصادی اُمور کے محکمے، صنعتوں کے فروغ اور بین الاقوامی تجارت کے محکمے اور مرکزی حکومت کے چیف اقتصادی مشیر کے علاوہ مختلف محکموں کے سکریٹری صاحبان نے شرکت کی۔ مالی برس 2025-26 کے مرکزی بجٹ کے یکم فروری 2025 کو پارلیمنٹ میں پیش کیے جانے کا امکان ہے۔ وزیرخزانہ نرملا سیتا رَمن مسلسل آٹھویں مرتبہ بجٹ پیش کریں گی۔x