حکومت نے CoalSETU پالیسی کو منظوری دے دی ہے۔ اُس نے مختلف قسم کے صنعتی استعمال اور برآمدات کے مقصد سے کوئلے کی کانوں کی نیلامی کیلئے ایک نیا مرکز قائم کیا ہے۔ اس مرکز سے، اِس قدرتی وسیلے کی مساویانہ دستیابی اور اس کے بہترین استعمال کی یقین دہانی ہوگی۔
وزیر اعظم نریندر مودی کی قیادت میں اقتصادی امور کی کابینہ کمیٹی نے کَل کوئلے کے بلا رکاوٹ، مؤثر اور شفاف استعمال کے مقصد سے، کوئلہ کانوں کی نیلامی سے متعلق پالیسی CoalSETUکو منظوری دے دی ہے۔
نامہ نگاروں سے بات کرتے ہوئے اطلاعات و نشریات کے مرکزی وزیر اشونی ویشنو نے کہا کہ اس پالیسی سے کسی بھی طرح کے صنعتی استعمال اور برآمد کے مقصد سے طویل مدّت کیلئے نیلامی کی بنیاد پر کوئلہ کانوں کو مختص کیا جا سکے گا، جس کیلئے غیر ضابطہ جاتی شعبے NRS میں، کوئلہ کانوں کی نیلامی سے متعلق 2016 کی پالیسی کے تحت CoalSETU کے نام سے الگ مرکز قائم کیا گیا ہے۔
کابینہ نے 2027 کی مردم شماری کیلئے 11 ہزار 718 کروڑ روپے کے بجٹ کو بھی منظوری دی ہے۔ جناب ویشنو نے کہا کہ 2027کی مردم شماری دو مرحلوں میں کرائی جائے گی۔ انہوں نے کہا کہ یہ ابھی تک کی سب سے پہلی ڈیجیٹل رائے شماری ہوگی۔ اس رائے شماری میں ذاتوں کی گنتی بھی کی جائے گی۔
