پارلیمانی امور کے مرکزی وزیر کرن رجیجو نے کہا ہے کہ حکومت لوک سبھا میں فضائی آلودگی کے امور پر بحث کے لئے تیار ہے۔ انھوں نے کہا کہ بزنس ایڈوائزری کمیٹی میں اپوزیشن کے لیڈر کی طرف سے اِس معاملے کو اٹھایا گیا تھا۔لہٰذا حکومت کو اِس پر نظر رکھنے کی ضرورت ہے اور وہ یہ دیکھے گی کہ کس طرح ضابطوں کے تحت اِس سے متعلق ڈھانچے پر بحث کی جائے گی۔ وزیر موصوف نے مزید کہا کہ پہلے ہی دن حکومت نے اپنا موقف پوری طرح واضح کردیا تھا کہ اپوزیشن کی پارٹیوں کی رائے لینے کے ساتھ ہی سبھی اہم عام معاملات پر حکومت بحث کے لئے تیار ہے تاکہ اِس کا حل نکالا جا سکے۔
وقفہئ صفر کے دوران اِس معاملے کو اٹھاتے ہوئے اپوزیشن کے لیڈر راہل گاندھی نے کہا کہ یہ ایک بہت اہم معاملہ ہے اور ملک کو اب اس کا سامنا کرنا پڑ رہا ہے۔
انھوں نے امید ظاہر کی کہ یہ ایک نظریاتی معاملہ نہیں ہے۔ جناب راہل گاندھی نے مزید کہا کہ ایوان میں اِس معاملے پر بحث کے لئے حکومت اور اپوزیشن کے درمیان مکمل اتفاق رائے ہوجائے گا۔
