حکومت نے پارلیمنٹ کے سرمائی اجلاس سے قبل آج  نئی دلّی میں کُل پارٹی میٹنگ طلب کی ہے۔ پارلیمنٹ کا سرمائی اجلاس کل سے شروع ہوگا اور 19 دسمبر تک جاری رہے گا۔

پارلیمانی امور کے وزیر کرن رجیجو پارلیمنٹ کے دونوں ایوانوں میں، سیاسی پارٹیوں کے لیڈروں سے ملاقات کریں گے۔ اس میٹنگ کا مقصد تمام سیاسی پارٹیوں کے درمیان تعاون اور تال میل کو فروغ دینا ہے، تاکہ لوک سبھا اور راجیہ سبھا کی کارروائی خوش اسلوبی کے ساتھ چل سکے اور اسے نتیجہ خیز بنایا جا سکے۔ پارلیمنٹ کے سرمائی اجلاس کے دوران کئی اہم بل غور و خوض اور منظوری کیلئے پیش کیے جائیں گے۔ جن بلوں کو پیش کیے جانے کا امکان ہے، اُن میں اٹامِک انرجی بل 2025، بیمہ سے متعلق ترمیمی بل، اعلیٰ تعلیم سے متعلق کمیشن بل 2025 اور قومی شاہراہوں سے متعلق ترمیمی بل شامل ہیں۔ اجلاس کے دوران 19 دنوں میں پارلیمنٹ کی کُل 15 نشستیں ہوں گی۔