پیر کے روز شروع ہونے والے پارلیمنٹ کے موسم سرما کے اجلاس سے پہلے کَل حکومت نے نئی دلّی میں سبھی پارٹیوں کی میٹنگ طلب کی ہے۔ پارلیمانی امور کے وزیر کرن رجیجو پارلیمنٹ کے دونوں ایوانوں کی سیاسی پارٹیوں کے رہنمائوں سے ملاقات کریں گے۔ میٹنگ کے دوران حکومت اجلاس کے دوران لوک سبھا اور راجیہ سبھا کی کارروائیوں بلارکاوٹ چلنے دینے کو یقینی بنانے کیلئے سبھی سیاسی پارٹیوں سے تعاون چاہے گی۔ نئی دلّی میں میڈیا سے بات کرتے ہوئے جناب رجیجو نے آج کہا کہ سبھی پارٹیوں کی میٹنگ کے دوران حکومت سب کے نظریات بھی سُنے گی۔پارلیمنٹ کا موسم سرما کا اجلاس آئندہ ماہ کی پہلی تاریخ سے شروع ہوگا اور 19 دسمبر تک جاری رہے گا۔ اِس اجلاس کے دوران مختلف اہم قوانین کو بحث اور منظوری کیلئے پیش کیا جائے گا۔