حکومت نے زرعی جنگل بانی کو فروغ دینے کی غرض سے زراعتی زمین پر پیڑوں کو کاٹنے کے سلسلے میں مثالی ضابطے جاری کئے ہیں۔ اس کا مقصد کسانوں کی آمدنی کو دوگنا کرنا، جنگلات کے باہر درختوں کی تعداد بڑھانا، آب وہوا کی تبدیلی کو کم کرنا، لکڑی کی درآمد میں کمی لانا اور زمین کے پائیدار استعمال کو یقینی بنانا ہے۔ اس سے پیرس معاہدے کے تحت آب وہوا سے متعلق بھارت کے اہداف کو بھی تعاون ملتا ہے۔ ماحولیات کی وزارت نے تمام ریاستوں کے چیف سکریٹریز کو روانہ کئے گئے ایک خط میں کہا ہے کہ اِس کا مقصد زرعی جنگل بانی میں کاروبار کرنے میں نرمی کو فروغ دینا اور کسانوں کو سہولت فراہم کرنا ہے تاکہ وہ غیر ضروری ضابطہ جاتی رکاوٹوں کا سامنا کئے بغیر اپنے زرعی نظام سے درختوں کو مربوط کرسکیں۔