حکومت نے آج اطلاع دی ہے کہ بھارت اور عمان کے درمیان دستخط کیے گئے جامع اقتصادی ساجھیداری سمجھوتے، CEPA کے تحت بھارت کو Oman کے بازار میں 98 اعشاریہ صفر-آٹھ فیصد ڈیوٹی فری بازار رسائی حاصل ہوگی۔ نئی دلّی میں آج میڈیا سے بات کرتے ہوئے کامرس اور صنعتوں کی وزارت میں ایڈیشنل سیکریٹری اجے Bhadoo نے بتایا کہ اِس معاہدے سے ٹیکسٹائل، زرعی اشیاء اور ٹرانسپورٹ آلات جیسے شعبوں کو دیگر شعبوں کے ساتھ کافی فائدہ ہوگا۔ معاہدے کے تحت چمڑے، جوتے چپل، ٹیکسٹائل اور ملبوسات، جواہرات اور زیورات جیسے محنت پر مبنی شعبوں کو بھی فائدہ پہنچے گا۔وزارت نے بتایا کہ CEPA، معدنیات، کیمیکلز، بنیادی دھاتوں، مشینری، پلاسٹک اور ربر جیسی اشیاء کی برآمدات میں نئے امکانات پیدا کرے گا اور تعمیل کے بوجھ کو کم کرتے ہوئے انضباطی طریقۂ کار کو آسان بناکر Oman کے درآمداتی بازار میں مزید رسائی ممکن بنائے گا۔