اقلیتی امور کے مرکزی وزیر کرن رجیجو نے سبھی متولیوں کو یقین دلایا ہے کہ وزارت اُن لوگوں پر اگلے تین مہینے تک کوئی جرمانہ عائد نہیں کرے گی اور نہ ہی کوئی سخت کارروائی کرے گی جنھوں نے امید پورٹل پر اپنا اندراج کرا لیا ہے۔
وزیر موصوف نے یہ بھی کہا کہ وقف قانون بنانے کے بعد وزارت نے امید پورٹل کا آغاز کیا ہے اور متعلقہ پارٹیوں کو 6 مہینے کا وقت دیا ہے کہ وہ سبھی وقف اِملاک کو اس پورٹل پر رجسٹرڈ کرادیں۔ انھوں نے کہا کہ امید پورٹل پر ابھی تک ایک لاکھ 15 ہزار سے زیادہ وقف اِملاک کا اِندراج کرایا جاچکا ہے۔ نئی دلّی میں نامہ نگاروں سے بات کرتے ہوئے جناب رجیجو نے کہا کہ آج آخری دن ہے اور لاکھوں اِملاک ایسی ہیں جنھیں ابھی تک رجسٹرڈ نہیں کرایا گیا ہے۔