وزیر دفاع راجناتھ سنگھ نے دفاعی عملے کے سربراہ CDS اور فوجی امور کے محکمے کے سکریٹری کو سبھی تینوں شاخوں کیلئے مشترکہ ہدایات اور احکامات جاری کرنے کا اختیار دیا ہے۔ مسلح افواج کی جدت طرازی اور کایا پلٹ کے تئیں یہ ایک اہم قدم ہے۔ ایک بیان میں وزارتِ دفاع نے کہا کہ پہلے دو یا زیادہ سروسز سے متعلق ہدایات واحکامات ہر ایک شاخ علیحدہ جاری کرتی تھی۔ مشترکہ طور پر احکامات جاری کرنے کے فیصلے سے طریقہ کار کو ہموار کرنا، غیر ضروری عمل کو ختم کرنا اور فوج کی تینوں شاخوں کے درمیان باہمی تال میل کو بڑھانا ہے۔ اس اقدام سے تینوں شاخوں کے مابین بہتر شفافیت، تال میل اور انتظامی صلاحیت کی بنیاد کی تعمیر ہوگی۔ اس فیصلے سے مسلح افواج کے قوم کی خدمت کے متحد مقصد کو مزید تقویت حاصل ہوگی۔