حکومت اور ایشین ڈیولپمنٹ بینک ADB نے مہاراشٹر، مدھیہ پردیش اور گجرات کیلئے 80 کروڑ امریکی ڈالر کی مالیت کے تین قرضوں سے متعلق معاہدوں پر دستخط کیے ہیں۔ اِس میں 50 کروڑ امریکی ڈالر کی مالیت کا زرعی شمسی کاری کیلئے مہاراشٹر بجلی تقسیم کو فروغ دینے سے متعلق پروگرام کیلئے کیا گیا قرض کا معاہدہ شامل ہے۔ 19 کروڑ امریکی ڈالر کا اندور میٹرو ریل پروجیکٹ اور تقریباً 11 کروڑ امریکی ڈالر کا گجرات مہارتوں کے فروغ سے متعلق پروگرام کا قرض معاہدہ شامل ہے۔وزارت خزانہ نے ایک بیان میں کہا ہے کہ اِن کے علاوہ 100 کروڑ ڈالر کی تکنیکی تعاون سے متعلق گرانٹ کے سلسلے میں بھی دستخط کیے گئے ہیں تاکہ آسام میں پائیدار دلدلی علاقے اور ماہی گیری میں تبدیلی لانے سے متعلق آنے والے مربوط پروجیکٹ کیلئے عمل آوری پر مبنی تعاون فراہم کیا جاسکے۔