حکام نے آج کہا ہے کہ جنوب مشرقی ایشیا کے تین ملکوں میں سیلاب اور مٹی کے تودے کھسکنے کی وجہ سے مرنے والوں کی تعداد 600 سے زیادہ ہوگئی ہے، جبکہ ہزاروں بے گھر ہوئے افراد کیلئے امدادی کوششیں جاری ہیں۔
انڈونیشیا میں 435، تھائی لینڈ میں 170 اور ملیشیا میں تین افراد کے ہلاک ہونے کی خبر ہے۔ جنوب مشرقی ایشیائی ملکوں میں بچائو اور امدادی اہلکار آج بھی سیلاب سے متاثرہ علاقوں میں پہنچنے کی کوششیں کر رہے ہیں۔ سرکاری اعداد وشمار کے مطابق جنوبی تھائی لینڈ میں تقریباً30لاکھ لوگ اور مغربی انڈونیشیا میں11 لاکھ لوگ متاثر ہوئے ہیں۔