جی ایس ٹی بچت اُتسو 22 ستمبر کو اُس وقت شروع ہوا جب نریندر مودی حکومت نے کئی سیکٹروں میں GST کی شرحوں میں کمی کی تاکہ ملک بھر کے شہریوں کو فائدہ مل سکے۔ ہمارے نامہ نگار نے ایک رپورٹ پیش کی ہے، جس میں بتایا گیا ہے کہ اگلے مرحلے کی GST اصلاحات سے اروناچل پردیش کو کس طرح فائدہ پہنچ رہا ہے۔
اگلے مرحلے کی GST اصلاحات، اروناچل پردیش کے دستکاروں، کسانوں اور چھوٹے کاروباری افراد کو براہ راست با اختیار بنا رہی ہیں۔ نئے ٹیکس نظام کے تحت Juices، jams، بڑی الائچی، ڈبہ بند ادرک اور کیوی کے ساتھ ساتھ ریاست کا مشہور Yak Churpi پر اب 5 فیصد ٹیکس لیا جا رہا ہے۔ اِس سے مقامی پیداوار سستی ہوگئی ہے اور ریاست کے کسانوں کو تعاون مل رہا ہے۔ اسی طرح ریاست کے مقامی دستکاروں کے تیار کردہ دستکاری سے متعلق ساز و سامان اور روایتی ٹیکسٹائلز جیسے Idu Mishmi Textiles، ہاتھ سے بنی گئی دریاں، بانس بنے فرنیچر اور دستکاری کے ساز و سامان سمیت پلائی ووڈ پر اب 5 فیصد ٹیکس لیا جا رہا ہے۔
اِن اشیاء پر ٹیکس میں کمی کی وجہ سے کاریگروں کے منافع میں اضافہ ہو رہا ہے اور اِن روایتی دستکاریوں کی پائیداریت کو تعاون ملا ہے۔ اِن اصلاحات کا مقصد ریاست میں بنائے جانے والے ساز و سامان کو صارفین کیلئے زیادہ مناسب قیمت پر دستیاب کرانا اور فروخت میں اضافہ ہے نیز اِس سے طرزِ زندگی میں بہتری آئے گی اور اروناچل پردیش کی معیشت پھر سے بحال ہوسکے گی۔