وزیر اعظم نریندر مودی کی جانب سے اعلان کردہ جی ایس ٹی بچت اتسو، جو گزشتہ ماہ کی 22 تاریخ سے شروع ہوا ہے، سماج کے تمام طبقوں کو فائدہ پہنچارہا ہے۔ اگلے دور کی جی ایس ٹی اصلاحات بھارت کے بالواسطہ ٹیکس نظام کو آسان بنانے کی سمت میں ایک اہم قدم ہیں۔ ان اصلاحات کے تحت مختلف اشیاء اور خدمات پر ٹیکس کی شرح میں کمی کی گئی ہے، جس سے عوام کو خاطر خواہ راحت ملی ہے۔ آج ہم ہاتھ سے بنی مصنوعات پر جی ایس ٹی میں کمی سے متعلق تذکرہ کریں گے۔
اگلے دور کی جی ایس ٹی اصلاحات کے تحت حکومت نے ہاتھ سے بنی مصنوعات پر ٹیکس میں نمایاں کمی کی ہے، جس سے صارفین اور ہنر مند افراد، دونوں کو براہِ راست فائدہ پہنچے گا۔ ہاتھ سے بنے کپاس اور جوٹ کے تھیلے، لفافے اور زیورات کے ڈبے پر جی ایس ٹی شرح 12 فیصد سے گھٹا کر پانچ فیصد کر دی گئی ہے۔ اسی طرح ہاتھ سے کڑھائی کیے ہوئے شال، ہاتھ سے بُنی ہوئی ٹوپیاں اور کپڑے سے بنےCaps پر ٹیکس کی شرح کو پانچ فیصد تک کم کر دیا گیا ہے۔ ٹیکس میں اس کمی سے نہ صرف دست کاری مصنوعات سستی ہوں گی بلکہ مانگ میں اضافہ، برآمدات میں فروغ اور ہنر مندوں کو براہِ راست فائدہ ہوگا۔
اس اقدام کا مقصد دیہی روزگار کو مضبوط کرنا، قدیم ہنر اور ثقافتی ورثے کا تحفظ کرنا اور ان روایتی و ثقافتی اہمت کی حامل اشیاء کو عام صارف کے لئے مزید قابلِ استطاعت بنانا ہے۔ x
