جنوبی افریقہ میں، گذشتہ دو دن سے غیر قانونی سونے کی کان میں جاری بچاؤ آپریشن کے دوران بچاؤ کارکنوں نے 36 لاشیں برآمد کی ہیں اور 82 لوگوں کو بحفاظت باہر نکالا ہے۔ پولیس نے کہا ہے کہ بچاؤ کارروائیاں جاری ہیں اور سینکڑوں کارکن کان میں پھنسے ہو سکتے ہیں۔ تاہم اُن کی صحیح تعداد واضح نہیں ہے۔ مقامی انتظامیہ نے کہا ہے کہ بچائے گئے سبھی 82 افراد کو غیر قانونی کانکنی، بلا اجازت داخل ہونے اور امیگریشن قانون کی خلاف ورزی کے الزامات کے تحت گرفتار کیا جائے گا۔
جنوبی افریقہ میں گذشتہ سال اگست سے پولیس نے غیر قانونی کانکنوں کے خلاف گرفتاری مہم شروع کر رکھی ہے۔
اِس دوران پولیس کانکنوں کو سطح زمین پر لانے کے لیے کان کا محاصرہ کر لیتی ہے اور غذا اور پانی کی فراہمی کو مہینوں تک روک دیا جاتا ہے۔
جنوبی افریقہ میں غیر قانونی کانکنوں کے ذریعے تجارتی اعتبار سے چھوڑ دی گئی کانوں میں بڑے پیمانے پر غیر قانونی کانکنی کی جاتی ہے۔x
