جموں و کشمیر میں پُنچھ انتظامیہ نے پورے ضلعے میں ورچوئل پرائیویٹ نیٹ ورک VPN خدمات معطل کر دی ہیں۔ اِس کا مقصد، نگرانی کی صلاحیتوں کو مستحکم کرنا اور عوام کی حفاظت کو یقینی بنانا ہے۔ عوامی صورتحال پر گہری نظر رکھنے سے متعلق یہ درخواست، حفاظتی دستوں کی طرف سے موصول ہوئی، جنہوں نے اِس طرف توجہ دلائی کہ انٹرنیٹ پر قریبی نظر رکھنے کے معیاری نظام کو نظر انداز کرتے ہوئے VPNs کا غلط استعمال کیا جا رہا ہے۔ اگرچہ اِس سے لازمی اور سرکاری خدمات متاثر نہیں ہوں گی لیکن کام کیلئے VPN پر انحصار کرنے والے صارفین کو دقت پیش آسکتی ہے یا رازداری سے متعلق ضرورتوں کو پورا کرنے میں رکاوٹ آسکتی ہے۔حکام نے مکینوں سے زور دے کر کہا ہے کہ وہ حفاظتی اقدامات کے سلسلے میں تعاون دیں۔ انہوں نے کہا ہے کہ یہ فیصلہ، خطے میں نظم و نسق برقرار رکھنے کے مقصد سے کیا گیا ہے۔