جموں و کشمیر میں سخت حفاظتی انتظامات کے دوران سالانہ امرناتھ یاترا کے 6 ہزار 639 یاتریوں کا گیارہواں جتھہ آج صبح سویرے جموں کے بھگوتی نگر یاتری نِواس بَیس کیمپ سے روانہ ہوا۔ یہ یاتری 275 گاڑیوں کے قافلے میں سوار ہو کر وادی کشمیر کے بالتل اور پہلگام کی جانب روانہ ہوئے۔ حکام کے مطابق 2 ہزار 337 یاتری بالتل بَیس کیمپ کے لیے، جبکہ 4 ہزار 302 یاتری پہلگام بَیس کیمپ کے لیے روانہ ہوئے ہیں۔ یاتری اِن کیمپوں سے پوَتر امرناتھ گپھا کی جانب اپنا سفر جاری رکھیں گے۔ اس دوران گزشتہ روز 18 ہزار دس یاتریوں نے پوَتر گپھا کے درشن کیے۔ اس کے ساتھ ہی اب تک اس سال پوَتر گپھا کے درشن کرنے والے یاتریوں کی مجموعی تعداد بڑھ کر لگ بھگ ایک لاکھ 63 ہزار ہو گئی ہے۔×