ہماچل پردیش میں پچھلے 3 روز سے موسلادھار بارش کے سبب معمول کی زندگی بری طرح متاثر ہے۔ چمبا، کانگڑا اور کُلّو اضلاع سب سے زیادہ متاثر ہیں۔ ریاست میں مسلسل مٹی کے تودے کھسکنے سے سینکڑوں سڑکیں بند ہوگئی ہیں، جبکہ متعدد علاقوں میں مواصلاتی تار، بجلی اور پینے کے پانی کی سپلائی اب بھی متاثر ہے۔
پنجاب میں بھی سیلاب کی صورتحال سنگین ہوتی جارہی ہے۔ راوی، بیاس اور ستلُج سمیت بڑے دریاؤں میں طغیانی آگئی ہے۔ پٹھان کوٹ، گُرداس پور، فاضلکا، فیروز پور اور کپور تھلا سمیت 7 ضلعے ہائی الرٹ پر ہیں۔ تمام سرکاری ملازمین کی چھٹیاں اِس مہینے کی 30 تاریخ تک منسوخ کردی گئی ہیں۔