جل شکتی کے مرکزی وزیر سی آر پاٹل نے آج ایک مربوط اور ٹیکنالوجی پر مبنی طریقہئ کار کے ذریعے دریائے گنگا کو مزید صاف ستھرا اور پائیدار رکھنے کیلئے حکومت کے عزم کا اعادہ کیا۔ نئی دلّی میں گنگا کے تحفظ سے متعلق با اختیار ٹاسک فورس کی  14 ویں میٹنگ کی صدارت کرتے ہوئے جناب پاٹل نے مقررہ وقت پر پروجیکٹوں پر عمل در آمد، آلودگی کی روک تھام کیلئے سخت اقدامات کرنے اور وزارتوں کے درمیان تال میل بڑھانے کی ضرورت پر زور دیا۔ اِس میٹنگ میں متعدد وزارتوں اور ریاستوں حکومتوں کے کلیدی شراکت داروں کو اکٹھا کیا گیا۔ اِس میٹنگ میں جل شکتی کے مرکزی وزیر مملکت راج بھوشن چودھری نے بھی شرکت کی۔