جل شکتی کے مرکزی وزیر سی آر پاٹل نے آج کہا ہے کہ جل جیون مشن کے تحت ملک بھر کے 15 کروڑ دیہی گھروں کو نَل کے ذریعے پانی کا کنکشن فراہم کیا گیا ہے۔ نئی دلّی میں Sujalam بھارت وژن سربراہ کانفرنس سے خطاب کرتے ہوئے جناب پاٹل نے ہر ایک شہری کیلئے پانی کو یقینی بنانے کیلئے سرکار کے عہد کا اعادہ کیا۔ انھوں نے کہا کہ یہ سربراہ کانفرنس پانی کے تحفظ کے تئیں ایک سائنسی اور پائیدار نظریے کیلئے ملک کی جامع کوششوں کا ایک حصہ ہے۔